يفضل العديد من الأشخاص معرفة الكثير من نكت مضحكة مهذبة، وذلك حتى يتمكنوا من مشاركتها مع الأهل والأصدقاء بدون خجل، و يتشاركوها مع أبناءهم براحة تامة، فالنكت هي من أهم الأشياء التي تجعل جلستك مع أصدقائك مليئة بالمرح والسعادة، ولهذا فسوف نستعرض لكم الكثير من النكت المضحكة.
نكت مضحكة مهذبة قصيرة متنوعة
سنوضح لكم في هذا المقال عدد كبير من نكت مضحكة مهذبة، وهي كالتالي:
- مرة كان في واحد ماشي ورا واحدة وعمال يعاكسها، قالها هي الحلوة وراها مشوار ولا حاجة؟ قالتله لا ده الحلوة وراها بس حمار.
- مرة خروف وقع من على السطح، قعد يقول مياو مياو عارفين ليه، أصله فقد الذاكرة.
- كان في اتنين صحاب واحد كان حرامي، والتاني كان ندل أوي، أتفقوا مع بعضهم أن كل واحد يعلم التاني حاجة، يعني الحرامي يعلم صاحبه السرقة، أما الندل فيعلم صاحبه الندالة، فالحرامي بدأ يعلم صاحبه السرقة فخده معاه وركبوا الأتوبيس، وقام سرق المحفظة من واحد، قاله يلا عليك الدور علمني بقى الندالة، قاله: هتشوف راح قال للراجل المسروق على فكرة سرق محفظتك.
- واحدة كانت وحشة أوي وهي داخلة الحمام راحت قالت أعوذ بالله من الخبث و الخبائث، رد عليها الشيطان قالها على فكرة من غير ما تقولي أنا كنت خارج أصلا.
- مدرس بيسأل طالب: أنت عارف الثعلب بيبيض ولا بيولد؟، قاله الطالب: يا أستاذ الثعلب طول عمره مكار ممكن نتوقع منه أي حاجة.
- مرة خروف بيسأل خروف صاحبه، أنت مر عليك عيدين ومحدش دبحك لي، قاله أصل أنا سجلوني في شهادة الميلاد حمار.
- واحد غبي أوي مراته جابتله اتنين تؤام، قام قتلها عارفين لي، قالهم الولد الأول ابني، التاني ده يبقى أبن مين.
- واحد سكران أوي سأل أخوه هو أنت ليه أصلع؟ قاله ده من الزمن قاله لا خلاص متحلقش عنده تاني.
- كان في طالب بيخرج أول واحد كل امتحان عارفين ليه؟ أصل أبوة قاله أنا نفسي تطلع الأول.
- مرة واحد كان عنده مزرعة فراخ كل يوم يدخل على الفراخ يلاقيهم بيضين بيضة واحدة، راح مسك فرخة وقطع ليها رجليها، و قالهم لو بكرة جيت ملقتش كل فرخة بيضة 5 بيضات هقطع رجليها، تاني يوم راح لقى كل الفراخ فعلا باضوا خمس بيضات، ماعدا فرخة واحدة باضت 3 بيضات، قالها ليه كده، قالتله والنبي أستر عليا أصل أنا ديك.
- واحد وقف تاكسي، قال للسواق: حدائق القبة، قاله لا ياعم و تضايقها ليه.
نكت مضحكة تهلك من الضحك جديدة
سنقوم في فقرتنا بتوضيح الكثير من النكات المضحكة المهذبة لكي تتمكن من ذكرها أمام أهلك واصدقائك براحة تامة، و تتشاركوا الضحك سويا، وهي كالتالي:
- واحد ندل أوي سألوه أنت نفسك أبوك يموت طبعا عشان تورثه؟، قالهم لا أنا نفسي أبوي يعمل حادثة ويموت، و أخد الدية و أورثه.
- كان في دجاجة لقوها معلقة صورة بيضة على حيطة أوضتها، وأما سألوها: قالت لهم أصل دي أنا بس أما كنت صغيرة.
- واحد كان نايم و جمبه برميل كبير مليان مية، عارفين ليه؟ أصله كان عايز يغرق في الأحلام.
- مرة نكتة دخلت السجن و أتحكم عليها بالإعدام، عارفين ليه؟ أصلها كانت سبب في موت واحد من الضحك.
- مرة زوجة بتشتكي من زوجها لحماتها، و بتقولها: ألحقيني كل ما أعمله أكل ياخذه كله و يرميه للكلب، قالت لها: حرام والله وذنب الكلب أي بس.
- مرة طبيب بيقول للمريض: أسنانك على فكرة محتاجة لتقويم؟، رد عليه: وأنت عارف بقى هو ميلادي ولا هجري.
- مرة واحدة عجوزة أوي كانت بتكره نفسها، مرة وهي ماشية اتكعبلت، قالت طب والله أحسن تستاهلي.
- مرة واحد بدوي ربنا رزقه تؤام، حلف على الدكتور لازم ياخد واحد منهم.
وبهذا القدر نكون في مقالنا هذا ذكرنا الكثير من نكت مضحكة مهذبة، ونتمنى أن تكون قد نالت جميعها اعجابكم داعيين الله لكم جميعا بالفرح والسرور.
