يعرف أن كل الشعوب العربية تفضل سماع نكت مصرية بالعاميه، فالمصريين قد اشتهروا كثيراً بقول النكت في كل الأوقات حتى أوقات الحزن، فتتبدل لوقت فرح وسرور، وتنتهي أوقات الحزن واليأس بفضلها، ولهذا فسوف نقوم بتوضيح الكثير من النكت المصرية المضحكة للغاية.
أفضل 20 نكت مصرية مضحكة
سنذكر الكثير من نكت مصرية بالعامية في مقالنا هذا، حتى نساعدك في نشر الضحك والمرح بين الجميع:
- غبي كان بيحلق دقنه رن التليفون بتاعه، راح جرح نفسه بمكنة الحلاقة عشان لما يخلص المكالمة يعرف هو وقف في أنهي مكان.
- ست كان بتسوق وماشية على الطريق بالجي بي اس، قالها من فضلك انحرفي قليلاً، راحت قالعة الطرحة.
- ولد رخم نزل الشارع يرخم على أي حد ملقاش حد واقف، راح وقف قدام عمود النور وقاله عديني.
- غبي حب ينتحر من الدور العاشر عشان يموت على طول، لقى عمارة كانت خمس أدوار، راح ناطط من الدور الخامس مرتين.
- واحد محشش بيسأل محشش تفتكر يوم الجمعة الجاي هيوافق يوم كان في أخر الشهر؟، قاله والله لو ضغطنا عليه أعتقد يوافق.
- مرة محشش بيسأل صاحبه وهما قاعدين بيحششوا مع بعض، هو اي أخبار أبوك؟، وافتكر وهو بيسأله ان ابوه مات، فقاله بسرعه: يعني هو لسه في نفس التربة ولا راح تربة جديدة؟.
- واحد مسطول أوي دخل بقاله، وهو خارج كان عمال يضحك، فبيسألوه صحابه إيه إلى بيضحكك أوي كده، قالهم: أصلي أديته جنيه وطلعت بسرعة ما اشتريت حاجة.
- واحدة عجوزة أوي خيروها تروح الحج ولا تتجوز، راحت موطية راسها وهي مكسوفة، و قالتلهم: وهي يعني مكة هتطير.
- تعرفوا إيه هي الشوكولاته الي بيفضلها كل دكاترة الأسنان؟، بيحبوا أوي شوكولاته ضيرسي.
- بطة راحت تستلف فلوس من صديقتها، عارفين ليه؟ اصل الحالة عندها كانت duck على الآخر.
- واحد صنايعي عطس مرة واحدة، راح قال عايز شاي.
- مهندس خد قرار أنه يسيب الشغل، دخل للمدير قاله أنا مستطيل.
- طالب أدبي نزل يقعد على القهوة،، طلب من القهوجي جيجا تفاح.
- بنت كان نفسها تشتغل مع رئيس عصابة، راح مشغلها في غسيل الأموال.
- واحدة طلبت من زوجها 30 ألف عشان تعمل عملية تكميم للمعدة، راح مديها 30 جنية وقالها أشتري قفل للمطبخ أسهل.
- زوجة بتسأل زوجها هو أنت عارف أي الفرق إلي بيني وبين نانسي عجرم؟، قالها والله هو مفيش فرق غير إنها مرسومة، لكن أنتي شخبط شخابيط.
- واحد غبي أوي وهو ماشي في الشارع دعى ربنا يلاقي 10 جنية في جيبة، راح حاطط إيده جيبه، اكتشف أن جيبه مخروم قعد يدور لحسن تكون وقعت.
- واحد راح يخطب بنت من باباها، بس والدها قاله دي لسه بتدرس يا أبني، قاله: خلاص مفيش مشكلة هجيلها في الفسحة.
- غبي ابنه طلب منه موبايل جديد، قاله: ماشي موافق بس عندي شرط تركب أخواتك معاك.
- مرة ندل كان واقف في الأتوبيس، راح ضحك لبنت فراحت ضحكا ليه، غمزلها قامت غمزتله، شارولها عشان تنزل راحت نازلة، قام قعد هو مكانها.
نكت مضحكة مصرية بالعامية
سنوضح لكم الكثير من النكت المصرية المضحكة، وهي كالتالي:
- واحد مسطول طلب معاه يغازل حبيبته وكانت بيضا وعيونها خضرا، راح قالها: أنتي أحلى طبق رز محطوط عليه بسلة خضرا شفته في حياتي.
- واحد كان راجع من الشغل لقى بيته بيتحرق، فدخل أول مرة وراح طالع ببنته، والمرة التانية دخل وطلع بمراته، ولقوه دخل مرة وخرج فاضي، ودخل تاني وخرج برضه فاضي، سأله ليه بتدخل: قالهم اصل بقلب حماتي.
- أهبل راح يشتري رسيفر عشان يفرح أمه، قالها: يا أمي أنا جبت رسيفر جديد، قالتله: وإن شاء الله جبته بفلوس مين؟، قالها: سهلة يا أمي بعت التلفزيون.
- راجل مراته اتخطفت والراجل الي خطفها طلب منه فدية، راح بعت لزوجها صباع مراته عشان يخليه يدفع الفدية، قاله: والله أنا مش متأكد ده صباع مراتي ولا لا ابعت كده رأسها عشان أتأكد.
- صعيدي طلع في برنامج اسمه “الكاميرا في الملعب”، سألوه هو أنت بتشجع مين، رد عليهم: المقاولين العرب، قالوله: طب بتحب مين في الفريق، قالهم: الجماعة الي بيعملوا محارة.
وبهذا القدر نكون ذكرنا الكثير من نكت مصرية بالعاميه، ونتمنى أن نكون رسمنا البسمة على وجوهكم.
