يرغب العديد من الأشخاص في التعرف على نكت للاطفال عن الحيوانات، ويكون بغرض الخيال والتسلية، وسوف نذكر الكثير من النكت المضحكة عن الحيوانات، والتي يمكنك من خلالها توصيل قصة صغيرة لطفلك عن الحيوانات.
نكت للاطفال عن الحيوانات مضحكة
سنذكر الكثير من نكت للاطفال عن الحيوانات مضحكة ومسلية في هذه الفقرة،وهي كالتالي:
- مرة حمار كان معجب بحمارة قالها انا عايز أتجوزك يا حمارة، قالتله أحترم نفسك الاول مش لما تتعلم الأدب أهو انت الي حمار.
- كان في كلب بلدي ماشي شاف كلب بوليسي معدي من جنبه، راح قال في نفسه ياااه لو كنت أنا كمان كملت تعليمي.
- مرة كان في ديك بيجري جامد أوي، سألوه بتجري ليه؟ قالهم أصل عايز ألحق أأذن الآذان.
- كان في نملة طالعة على كأس في عصير فراولة، ولما وصلت، قالت ياااه أخيرا شفت البحر الأحمر.
- مرة كان في نملة نطت من الدور العاشر ومحصلش فيها أي حاجة، عارفين ليه؟ أصلها كانت لابسة بوت سبورت.
- أستاذ سأل تلميذه: أذكر لي يا أحمد ثلاثة حيوانات يعطونا حليب، رد التلميذ: هم ثلاثة بقرات.
- كان في فيل عايز يطلب شيشة راح طلبها لنفسه بدون خرطوم.
- في 10 نملات لقوا كيس سكر فرحوا اوي ماعدا نملة واحدة عارفين ليه، أصل طلع عندها مرض السكر.
- مرة نملة كانت قاعدة في الشارع وممدة رجليها سألوها ليه بتعملي كده، قالت أصل عايزة اعرقل السيارات.
- بقرة مرة واحدة جالها جفاف راحت منزلة حليب بودرة.
- مرة شلة نمل كانوا قاعدين هيموتوا من الضحك أصلهم كانوا ماسكين صرصور وعاملين عليه حفلة، وقافلين ليه مناخيره وكله شوية يسألوه اسمك اي، يقولهم: صنصون.
- كان في نملة ماسكة في عود أسنان، عارفين ليه؟ أصلها كانت بتصور سيلفي.
- استاذ سأل طلابه هو الثعلب بيلد ولا بيبيض؟، رد عليه طالب، وقاله: الثعلب ده مكار يا أستاذ ممكن تتوقع منه أي حاجة.
- واحد عنده كلب كان جبان أوي وبيخاف من اي صوت عالي وصوت ضرب النار، فقرر الراجل يوديه يحضر أفراح بلدي، ولما رجع كلبه لاقه بيزغرط.
نكات جديدة عن الحيوانات
سنعرض لكم في فقرتنا الكثير من النكت عن الحيوانات المضحكة ، وهي كالتالي:
- مرة فيل قرر يهرب من الغابة، فسألوه الحيوانات ليه قررت تهرب قالهم أصل الأسد قال أنه لازم يقتل الزرافات من الغابة، فقالوه: طيب ده بيتكلم عن الزرافات أنت مالك، قالهم: اصل هو كلف الحمار بده.
- كان في مرة واحد عنده قطة كل ما يقرر يرميها في مكان بعيد ترجع ليه تاني، ففي يوم قال خلاص هوديها الصحراء واسيبها هناك، وبعد ما سابها في الصحراء، اتصل على مراته بعد ساعتين، قالها هو القط رجعلك قالتله: أه هنا، قالها طب خليه يوصفلي الطريق الله يخربيته.
- كان في ثعلب مكار بيراقب ديك كل يوم، ففي يوم أذن الديك وهو فوق شجرة، قاله الثعلب أنزل طيب عشان نصلي جماعة.
- مرة كان في صرصور وصرصورة أتجوزوا، فسألت الصرصورة جوزها هتوديني فين في شهر العسل قالها متخافيش محضرلك مفاجأة هنروح بالوعة الشرتون.
- قط كان محشش أوي، وهو ماشي قعد يقول يقطع الحشيش وسنينه على الي بيعمله فينا، هو أنا كنت بقولها مياو ولا نياو.
- مرة كان في فار عمال يقول أنا كل القطط تحت رجلي، وهو بيتكلم لف وشه لقى قط أسمر واقف وراه، قال ما عدا القط الأسمر الحلو ده.
- مرة راجل كان كل يوم يزرع جزر، وكان بيجي الأرنب ياكله، وبعد أسبوع راح الأرنب أكل كل الجزر الي في المزرعة، راح مسكه الراجل وكسر أسنانه، وزرع الأرض مرة تاني، وبعد أسبوع لقى الجزر برضه مش موجود، سأل الأرنب هو أنت عملت اي في الجزر، قاله بثيطة عثرناه وثربناه.
وبهذا القدر نكون ذكرنا الكثير من نكت للاطفال عن الحيوانات، ونتمنى أن تكون نالت إعجابكم، ويمكنك نشرها بين أصدقائك.
